Thesis (doctoral)--Universität Bonn. Landwirtschaftliche Fakultät, 1984. / German with English questionnaire. Includes bibliographical references (p. 337-344).

Thesis--Hamburg. / Vita. Includes bibliographical references (p. 420-436).

Thesis (doctoral)--Institute of Social Studies, The Hague, Netherlands, 2007. / Includes bibliographical references (p. 253-262).

Proefschrift Rijksuniversiteit Groningen. / Lit. opg. - Met een samenvatting in het Nederlands.

Proefschrift Ohio University, College of Arts and Sciences.

Proefschrift Maastricht. / Auteursnaam op omslag: Bart Verspagen. Met lit. opg., index - Met samenvatting in het Nederlands.

Proefschrift Universiteit Maastricht. / 905681444. Met biliogr., lit. opg. - Met samenvatting in het Nederlands.

Proefschrift Universiteit Maastricht. / Met indices, lit. opg. - Met samenvatting in het Nederlands.

Tydens my loopbaan as diereverpleegster aan die Universiteit van Pretoria en in privaat veterinêre fasiliteite en as dosent aan die Fakulteit Veeartsenykunde, heg ek groot waarde aan voortgesette professionele ontwikkeling. In my huidige posisie as dosent in veterinêre radiografie het ek bewus geword van die behoefte in veterinêre fasiliteite om beter stralingsveiligheidspraktyke te beoefen. Hierdie behoefte het vir my die geleentheid geskep om _ wetenskaplik-gefundeerde nie-formele voortgesette professionele ontwikkelingsprogram te ontwerp en te ontwikkel ten opsigte van die bewusmaking en vestiging van _ stralingsveiligheidskultuur onder veterinêre werkers in kleindier veterinêre fasiliteite. Die projek het eerstens ten doel om _ bydrae te lewer tot my persoonlike professionele ontwikkeling as fasiliteerder van leer en om moontlike onderrigstrategieë te identifiseer wat _ positiewe bydrae gelewer het tot die skep van _ stralingsveiligheidskultuur in die deelnemende veterinêre fasiliteite. Tweedens, die professionele ontwikkeling van die deelnemende veterinêre werkers en die evaluasie van veranderde praktyke ten opsigte van die skep van _ stralingsveiligheidskultuur binne die werkplek. Die ontwerp en ontwikkeling van die uitkomsgebaseerde kurrikulum is begrond in die sosio-konstruktivistiese leerteorie. Ander onderwyskundige konstrukte wat gebruik is tot die wetenskaplike benadering van die kurrikulum sluit Knowles se aannames en beginsels ten opsigte van volwasse leerders (andragogie) in, die Herrmann heelbreinleermodel, opvoedkundige eienskappe (bydraes) van die 21ste eeu en formatiewe assessering met betekenisvolle terugvoer. Kleinskaalse deelnemende aksienavorsingsbenadering is gebruik om die proses van professionele ontwikkeling, die implementering en verbetering van die nie-formele professionele ontwikkelingsprogram, evaluasie van die implementering van stralingsveiligheidsbeginsels en die identifisering van fasiliteringstrategieë wat moontlike bygedra het tot die skep van _ stralingsveiligheidskultuur, in drie kleindier veterinêre fasiliteite in Pretoria te ondersoek. / Dissertation (MEd)--University of Pretoria, 2019. / Humanities Education / MEd / Unrestricted

Beginneronderwysers moet die geleentheid kry om om hul onderwysvaardighede te verbeter en hul professionele identiteit te ontwikkel. Daar word internasionaal ervaar dat beginneronderwysers die onderwysprofessie binne twee tot vyf jaar verlaat indien hulle nie voldoende ondersteuning en opleiding deur mentorskap ontvang nie. Die navorsing word gerig na aanleiding van die primêre navorsingsvraag naamlik: Hoe word mentorskap toegepas tussen die Grondslagfase-departementshoof en die beginneronderwyser? Uit die navorsingsprobleem soos hierbo gestel, is die volgende sekondêre navorsingsvrae geformuleer. Sekondêre navorsingsvrae 1. Hoe word die uitdagings van dissipline en klaskamerbestuur deur middel van mentorskap aangespreek? 2. Hoe kan mentorskap bydra om vakkennis en kurrikulumontwikkeling te versterk? 3 Watter aspekte van mentorskap dra by tot beter gehalte van onderwys en metodiek wat die beginneronderwyser in die klaskamer gebruik? 4. Hoe word mentorskap aangewend in die vestiging van _ verhouding tussen die beginneronderwyser en medekollegas, ouers en leerders? 5. Hoe word onderwysprofessionalisme ontwikkel en versterk deur mentorskap? Die navorser het _ kwalitatiewe navorsingsbenadering gevolg en die navorsings-ontwerp was _ gevallestudie binne _ interpretivistiese / konstruktivistiese paradigma. Die data is ingesamel deur semi-gestruktureerde onderhoude met die deelnemers waartydens hulle oop vrae (hoe? hoekom?) beantwoord het. Die vrae is vooraf opgestel volgens die temas van die konseptuele raamwerk soos geïdentifiseer uit die literatuurstudie. _ Doelgerigte steekproef wat aan voorafbepaalde kriteria voldoen het, is in die kwalitatiewe navorsingstudie gebruik. Die steekproef het bestaan uit skoolhoofde, departementshoofde en beginneronderwysers by vyf verskillende Afrikaanse laerskole in die Tshwane-Noord-distrik van Pretoria. Laerskole is telefonies gekontak en die skole wat beginneronderwysers aangestel het, is geïdentifiseer. Daarna is die skoolhoofde gekontak en toestemming verkry om navorsing by hul skole te doen. Die bevindings en aanbevelings van die studie is aan die deelnemers voorgelê sodat hulle die akkuraatheid en betroubaarheid daarvan kon verifieer. Die navorser het gepoog om die studie te trianguleer deur verskillende metodes te gebruik, naamlik _ literatuurstudie, asook die evaluering en vergelyking van inligting uit semi-gestruktureerde onderhoude om die geldigheid en betroubaarheid van bevindings te toets. Die deelnemers aan die studie se identiteite is beskerm deur van skuilname gebruik te maak – vir sowel die individue as die laerskole wat aan die studie deelgeneem het. My opsommende bevinding is dus dat die voordele van mentorskap legio is en sodra nuwe onderwyser doeltreffend bemagtig word deur mentorskap, hy/sy die geleentheid kry om te groei en ontwikkel om sy profesionele potensiaal ten volle te ontwikkel. / Dissertation (MEd)--University of Pretoria, 2019. / Education Management and Policy Studies / MEd / Unrestricted