Thesis (M.A. (African languages)) --University of Limpopo, 2009 / Musi ro sedza ḓivhazwakale ya murundu kha Vhavenḓa ri wana zwauri musi Vhavenḓa vha sa athu u kona u fumbisa vho vha vha tshi fumbiseliwa vhatukana vhavho nga Vhalemba na nga Vhapeli. Luambo lune lwa shumisiwa murunduni ndi lwo khetheaho ngauri a lu fani na luambo lune vhathu vha lu shumisa ḓuvha na ḓuvha. Luambo lwa hone lu shumisiwa murunduni fhedzi. Arali o yaho murunduni a nga shumisa luambo lwa murunduni hu na a songo yaho a nga si pfe uri hu khou ambiwa nga ha mini. Nyimbo dzine dza imbiwa murunduni ndi nnzhi vhukuma. Naho hu na nyimbo dzine dza imbiwa nga Tshivenḓa murunduni ya Vhavenḓa ngoho ndi ya uri vhunzhi hadzo ndi dza Tshisuthu. Milayo ya murunduni ndi minzhi vhukuma fhedzi ine ya vha ya ndeme ndi ya u gudisa vhatukana u kona u ṱhonifha, u shuma, na u konḓelela. Kha milayo ya murunduni vhatukana vha funziwa u kona u tshila na vhaṅwe vhathu ngauri muthu a nga si kone u tshila e eṱhe vhutshiloni.