Text in Afrikaans / Die doel van hierdie verhandeling is om die opvoedkundige en artistieke waarde van
klavierwerke, wat vir die Universiteit van Suid-Afrika (hiema UNISA) se musiekeksamens
voorgeskryf is, uit te lig.
Die eerste hoofstuk gee 'n beknopte oors1g van die geskiedenis van UNISAmusiekeksamens.
In die tweede hoofstuk word geselekteerde werke ontleed en
geevalueer. Daarna volg drie bylaes wat die volgende inligting bevat:
Bylae 1
'n V olledige lys van alle werke wat tot 1990 gekomponeer is vlf UNISA se
klaviereksamens, volgens komponiste gerangskik. W erke word alfabeties ingedeel
volgens die komponis en datums word voorsien van wanneer die werk gekomponeer en
voorgeskryf is. Werke wat nie in hierdie verhandeling ontleed is nie, word met 'n
asterisk aangedui.
Bylae 2
'n Volledige lys van alle werke wat tot 1990 gekomponeer is Vlf UNISA se
klaviereksamens, volgens grade ingedeel. Komponiste word graadsgewys alfabeties
gerangskik.
Bylae 3
Kort biografiese sketse van die komponiste gedek in hierdie verhandeling ter inligting van
leerlinge en onderwysers. Komponiste word alfabeties gerangskik.
In hierdie verhandeling is slegs navorsing gedoen met betrekking tot die klavierwerke.
W erke van ander instrumente is nie nagevors nie. Veertig komponiste se werke word
gedek. Meer as eenhonderd en dertig stukke is versamel. Die ontleding van al hierdie
werke sou te veel wees vir die omvang van hierdie verhandeling en is daar dus
geselekteer. Seleksie het plaasgevind op grond van:
Eksamengraad
Daar word op laer grade gekonsentreer (V oorgraad 1 tot graad 5) omrede dit juis
gedurende hierdie aanvangsonderrig is waar die liefde en belangstelling vasgele
word vir die aanleer van werke uit eie bodem. Twee vorige verhandelings oor
Suid-Afrikaanse klavierwerke ontleed oorwegend werke van hoer grade. Die
navorser verwys hier na verhandelings van Rosemary YA Maritz en CL Venter
(volledige verwysing in bibliografie).
Moeilikheidsgraad Stukke wat makliker hanteerbaar is vir die leerling, het voorkeur geniet. Geen
werke van graad 8 en die Onderwyslisensiaat of Voordraerslisensiaat word ontleed
nie. Enkele werke van grade 6 en 7 word egter ook ontleed.
Die ontleding en evaluering van die werke word alfabeties, volgens komponiste, ingedeel.
In die ontleding word daar gelet op aspekte wat van opvoedkundige en artistieke waarde
vir die jong leerling sal wees. Dit word ook bedoel as aansporing vir die onderwyser om
van die werke aan die leerling te leer.
Al die werke (voorgraad 1 tot graad 7) is bekombaar van die Argief in die biblioteek van
die Universiteit van Suid-Afrika. Sommige onderwysers mag nog van die ou
eksamenbundels in hul privaat versameling he. Dit sou egter 'n groot aanwins wees
indien al hierdie musiek beskikbaar sou wees in een bundel. Onderwysers sou dan meer
gereeld van die werke in die jong leerling se repertorium kon insluit.
Die navorser vertrou dat die benadering van hierdie verhandeling, wat konsentreer op
interessante opvoedkundige aspekte, die leerkrag sal voorsien van voldoende motivering
om van die ryke erfenis uit eie bodem gebruik te maak, sodat dit nooit verlore mag gaan
nie. / Art History, Visual Arts and Musicology / M. Mus.
| Identifer | oai:union.ndltd.org:netd.ac.za/oai:union.ndltd.org:unisa/oai:umkn-dsp01.int.unisa.ac.za:10500/16825 |
| Date | 11 1900 |
| Creators | Gaerdes, Johanna Marié Athena |
| Contributors | Reid, D. J. |
| Source Sets | South African National ETD Portal |
| Language | Afrikaans |
| Detected Language | Unknown |
| Type | Dissertation |
| Format | 1 online resource (v, 285 leaves) |
Page generated in 0.0025 seconds