Imicabango yebantfu labasikati ngekuvetwa kweluvo loluphatselene netebulili: Kuphenya
lokulandzisako kwemmango wasemaphandleni eMpumalanga
Bulili babomake base-Afrika busachubeka ngekuhlanganiswa netifo, budlova kanye nekutala -
kodvwa kuncane lokuvetwako ngetebulili, ngenjabulo kanye nangelutsandvo. Loku sekunikete
imisakato yasemaveni aseNshonalanga, imitimba yekuphenya yekuphenya ngetekwelapha
ngemvelo kanye netinhlangano letinyenti letingekho ngaphasi kwahulumende netinhlangano teAIDS litfuba lekuvuselela lomcondvo nenkholelo yekwandza lokusolelwako kwekutiphatsa
lokuphatselene netebulili kwabomake kanye netifo letihlobene nebulili babo. Ngenca yaloko,
kubunjwa nekwakhiwa kwetinchazelo tebulili akukhombisi emaciso kanye nelwati lwase-Afrika.
Ngekulandzela indlela yelucwaningo lwebunyenti nendlela yekulandzisa, umklamo wami
wekucwaninga uhlose kukhombisa kutsi, kute kutsi bomake babone inkhululeko embusweni
wentsandvo yelinyenti njengeNingizimu Afrika, badzinga kwemukelwa njengetakhamuti
letilinganako hhayi 'njengemitimba' ledzinga kulawulwa kute kugcinwe kulingana kwekuphatsa
kwemadvodza. Ngicaphune kuluhlaka lwekucedza umbusobucalu webufati base-Afrika
(decolonial African-feminist framework) futsi ngilusebentise njengelithuluzi lwekubuta, kwakha
kabusha nekucabanga kabusha emasiko laphatselene nebulili ase-Afrika. Idatha igcogcwe
ekulandziseni kwebantfu nakutinkhulumiswano temacembu nabomake labangu-20 labatinte
emmangweni wasemaphandleni esigdzini yaseNkomazi eNingizimu Afrika. Sewuwonkhe,
umsebenti wami ugcile etigabeni tebulili, kutemacasi nasetingucukweni tetepolitiki letihambisana
nekuvisisa indlela bomake lababona futsi labavisisa ngayo temacasi kuNingizimu Afrika
yasemaphandleni yesimanje. Kulandzisa kwabomake kukhombisa kwekutsi, emlandvweni
wonkhe, nasetikhatsini tamanje, kwakhiwa kwekulawula kwalabadvuna kwasemandvulo
kwebulili nekwetemacasi kuyachubeka ngekubumba kanye nekulawula timphilo tabantfu
labasikati / Psychology
| Identifer | oai:union.ndltd.org:netd.ac.za/oai:union.ndltd.org:unisa/oai:uir.unisa.ac.za:10500/26701 |
| Date | 07 1900 |
| Creators | Chauke, Tinyiko |
| Source Sets | South African National ETD Portal |
| Language | English |
| Detected Language | Unknown |
| Type | Thesis |
| Format | application/pdf |
Page generated in 0.0019 seconds