PhD (African Studies) / Lomsebenti ucwaninga ngekusetjentiswa kwetinongo tenkhulumo etinkondlweni teSiswati. Lolucwaningo lubuka kutsi tinongo tenkhulumo tibaluleke ngani nekutsi kufanele kutsi ekukhulumeni kwetfu kwemihla nemihla sifake tinongo tenkhulumo. Tinongo tenkhulumo betikhona mandvulo imfundvo isengakafiki ebantfwini. Imfundvo ifika itfola kutsi emaSwati angemagagu ekukhulumeni futsi anelulwimi lolunotsile ngenca yetinongo tenkhulumo.
SEHLUKO SEKUCALA: Setfula lucwaningo kutsi lumayelana nani nekutsi yini umcwaningi lafuna kuyilungisa leseyonakele. Kuniketwe tinhloso telucwaningo. Kubuye kwaniketwa umkhawulo welucwaningo nekubaluleka kwelucwaningo, kubuye kwavetwa umgudvu welucwaningo lokuluhlelolwati lwenhlelembiso neluhlelolwati lwemsebenti. Kubuye kwavetwa kuchazwa kwemagama, kubaluleka kwetinkondlo, tinongo tenkhulumo nebudlelwano bato naleminye imibhalo, umlandvo lomfisha ngetinkondlo kanye nesiphetfo.
SEHLUKO SESIBILI: Sibuke kuhlolisisa imibhalo, kwabukwa libhayibheli, tincwadzi telucwaningo, nemajenali. Kubukwe netinhlobo tetinkondlo letisetjentiswa eSiswatini.
SEHLUKO SESITSATFU: Sibuke tinhlobo tetinongo tenkhulumo tehlukaniswa ngalendlela:
Tinongo tenkhulumo letifanisako nguleti letilandzelako: sifaniso, sifanisongco, simuntfutiso, silwanatiso kanye nakhulumango/umbiti.
Tinongo tenkhulumo letihhlukanisako nguleti letilandzelako: silutfo, sicatsaniso, siphukuto kanye neluteku
Tinongo tenkhulumo letigcamisa budlelwano nguleti letilandzelako: Sihabiso, simeli/simeleli, siphindzaciniso/imphindzaciniso, silandzakhashane/malandzakhashane nesihloniphiso.
iv
SEHLUKO SESINE: Sibuke tinongo tenkhulumo ngaloluhlobo: Siphindzamagama, siphindzamisho, secamagama, sifanagwaca,sifanankhamisa nesentakutsi.
SEHLUKO SESIHLANU: Sisongela ndzawonye lonkhe lucwaningo, sibuye siphawule ngaloko lokutfolakele elucwaningweni, tincomo sigcine ngesiphetfo.
| Identifer | oai:union.ndltd.org:netd.ac.za/oai:union.ndltd.org:univen/oai:univendspace.univen.ac.za:11602/650 |
| Date | 23 September 2015 |
| Creators | Nkuna, Khulusile Judith |
| Contributors | Thwala, J, J., Mbuli, T. J. |
| Source Sets | South African National ETD Portal |
| Language | other |
| Detected Language | Unknown |
| Type | Thesis |
| Rights | University of Venda |
Page generated in 0.0021 seconds