Tlhotlhomisi e e ikaegile ka lemorago la botshelo jwa ga mokwadi Melato Recias Malope, modibelapuo yo o itsegeng wa puo ya Setswana, morutabana le mokwadi yo o manontlhotlho wa ditlhangwa le dibuka tsa thutapuo. O kwadile buka ya thutapuo ya motlhakanelwa le Moporofesara Setshedi, e e bidiwang ‘Thutamedumopuo ya Setswana’ e e phasaladitsweng ka 1978. Maiteko a gagwe mo bokwading ke a padi ya Matlhoko, Matlhoko, e e phasaladitsweng ka ngwaga wa 1980, le ngatana ya dikgankhutshwe tsa Mmualebe, e e phasaladitsweng ka 1982.
Mooko wa tlhotlhomisi e o thaetswe mo ntlhakemong ya batlhotlhomsi ba tshwana le Welleck et al (1961:90) le Rosenburg (1982:91) e e reng ditiragalo tse di anelwang ke mokwadi mo setlhangweng sa gagwe, di tletse tshusumetso e e maatla ya maitemogelo a lemorago la botshelo jo a bo tshetseng. Bakwadi ba, ba dumela gore mokwadi o anela ka ga se a se itemogetseng mo botshelong jwa nnete, jaaka ditiragalo mo loagong; tse a di buisitseng; tse a di boneng ka matlho; jalo le jalo.
Ditlhangwa tsa ga Malope tse di kaetsweng fa godimo, ke tsona metswedimegolo e e tlhotlhomisiwang le go sekasekwa go sedisisa seabe se lemorago la ga Malope le nnileng naso mo tlhagisong ya maitshetlego a ditlhangwa tse. Matshego a tlhotlhomisi e ke botshelo jwa nnete jwa ga Malope, ka maitlhomo a go leka go tlhotlhomisa gore maitemogelo a gagwe a nnile le seabe sefe mo bokwading jwa ditlhangwa tse di tlhotlhomisiwang tse. Maitlhomo a, a rotloeditswe ke bakwadi jaaka ga Allen (1963:27), Moleleki (1988:13) le Mothiba (2014:92), ba ba dumelang gore bokwadi bo tlholega mo lemoragong la mokwadi, le go tlhotlheletswa ke botshelo jo mokwadi a bo tshetseng. / Thesis (PhD)--University of Pretoria, 2020. / NRF / African Languages / PhD / Unrestricted
| Identifer | oai:union.ndltd.org:netd.ac.za/oai:union.ndltd.org:up/oai:repository.up.ac.za:2263/74450 |
| Date | 30 April 2020 |
| Creators | Motsepe, Queen Mmadikhu |
| Contributors | Ramagoshi, Refilwe M., qmotsepe@gmail.com, Zondi, Nompumelelo |
| Publisher | University of Pretoria |
| Source Sets | South African National ETD Portal |
| Language | other |
| Detected Language | Unknown |
| Type | Thesis |
| Rights | © 2019 University of Pretoria. All rights reserved. The copyright in this work vests in the University of Pretoria. No part of this work may be reproduced or transmitted in any form or by any means, without the prior written permission of the University of Pretoria. |
Page generated in 0.0023 seconds