MA (ISiswati) / Sikhungo I. MER Mathivha Setilwimi Temdzabu, Buciko Nemasiko, Inyuvesi yaseVenda / Lolu lucwaningo lolutsintsa sakhiwo semanoveli eSiswati lalandzelako: Kubamba Letingelako naletsi, Bungani Bebangani. Umgudvu wesisekelo selucwaningo ugcile esihlokweni, singeniso, kukhuphuka nekwehla kwenoveli kuye kufinyelelwe esiphetfweni senoveli. Tincenye letibalulekile tenoveli kuba sikhatsimbhalo, sikhatsisenteko nebalingisi. Kuvetwa kwebalingisi kukhonjiswe kwahlelwa ngekwetinhlobo netindlela labavetwe ngato. Kulamanoveli balingisi balingisela bunjalo nesimo semphilo lapho kuboniswana, kwabelwana ngelwati etimeni nasetindzaweni letehlukene. Tigameko tenoveli tesekelwe yingcoco yeluchumano lecuketse lokutsintsa liphimbo: imisho, kuphindza nekulingisa lokuletsa inchazelo yemagama. Luhlatiyo lukhombisa inhlakanipho, buhle belukhetfomagama, libintanamisho, silulumagama nenkhulumobuciko yebalingisi / NRF

PhD (IsiSwati) / MER Mathivha Centre for African Languages, Arts and Culture / Lolu lucwaningo lolutsintsa taga elulwimini lweSiswati. Lucwaningo lwesekelwe luhlatiyombhalo (textual analysis) nelwetingcikitsi (themes) lolubuka lwati ngalokubanti lucuketse tingcikitsi, sisekelo semaciniso emisuka, kubaluleka, lwati lwendzabuko, kwehlukaniseka kwemasiko nekuhleleka kwetaga. Taga letitsintsa tilwane, titfo temtimba, kutfukutsela, budlelwano, inhlonipho, inkhutsalo, buphuya, inhlakanipho nemikhuba yenchubo yesintfu. Taga tibukwa ngekususelwa etinganekwaneni, etibongweni, etinanatelweni, emahubeni, etishweni nasetiphicaphicwaneni. Tinongo tenkhulumo letifana nesifanisongco, sifaniso nesihabiso tihlatiywa macondzana netaga. Lucwaningo lukhutsata kusebenta kwetaga emimangweni leyehlukene nasesiveni jikelele. / NRF