Thesis (MPhil (Centre for Health Sciences Education)--University of Stellenbosch, 2010. / AFRIKAANSE OPSOMMING: Doel: Te min spraak-taalterapeute (STT’e) wêreldwyd spreek vlotheidsversteurings aan. Dit mag
aan hul gevoelens van onbevoegdheid in die hantering van persone wat hakkel toegeskryf word.
Nuut-gegradueerde STT’e, in die Suid-Afrikaanse konteks, het dikwels nie toegang tot
ondersteuning en leiding van ervare klinici om hul vaardighede en bevoegdheid in die hantering
van persone wat hakkel, te ontwikkel nie. Die doel van hierdie studie was om voorgraadse STTstudente
se persepsies van hul eie bevoegdheid om persone wat hakkel te hanteer, te ondersoek
en beskryf 1) direk na die voltooiing van hul teoretiese module en voor kliniese plasing, en 2) na
blootstelling aan ‘n bykomende opleidingskomponent waar hulle waargeneem het hoe intervensieprosedures
op ‘n gesimuleerde pasiënt toegepas word. Metodes: ‘n Beskrywende opnameontwerp,
met pre- en post-intervensie-vraelyste is gebruik om die andragogiese benadering se
impak op studente, voor en nadat hulle die bykomende opleidingsgeleentheid ontvang het, te
evalueer. Resultate: Voor die intervensie het die meeste studente hulself nie as bevoegd geag om
persone wat hakkel te evalueer of behandel nie. Na die intervensie is statisties beduidende
veranderinge in die studente se self-ervare bevoegdheid vir die meeste aspekte verwant aan die
evaluering en behandeling van mense wat hakkel, gerapporteer. Opsomming: Daar is tot die
gevolgtrekking gekom dat die studente hierdie tipe innoverende opleidingsmetodologie hoog op
prys stel en dat dit ‘n nodige aanvulling tot studente se bestaande kliniese plasings is.
| Identifer | oai:union.ndltd.org:netd.ac.za/oai:union.ndltd.org:sun/oai:scholar.sun.ac.za:10019.1/5391 |
| Date | 12 1900 |
| Creators | Vermeulen, Carianne |
| Contributors | Van Heerden, Ben, Klop, Daleen, University of Stellenbosch. Faculty of Health Sciences. Centre for Health Sciences Education. |
| Publisher | Stellenbosch : University of Stellenbosch |
| Source Sets | South African National ETD Portal |
| Language | English |
| Detected Language | Unknown |
| Type | Thesis |
| Format | 31 p. |
| Rights | University of Stellenbosch |
Page generated in 0.0027 seconds