Hierdie proefskrif is in twee dele verdeel. Die doel van hierdie proefskrif is die bestudering van aankope beheer en die daarstelling van beheer oor die aankopefunksie van die Randse Afrikaanse Universiteit. Die Randse Afrikaanse Universiteit bevind homself in ‘n maalkolk van verandering waarbinne die Regering ‘n belangrike rol speel in rigtinggewing en die beheer van hoëronderwysinstellings. Alhoewel die Regering nog nie betrokke geraak het by die mikro bestuur van hoëronderwysinstellings nie, het hierdie studie bewys gelewer dat daar wel gronde is vir groter inmenging in die finansiële bestuur van universiteite en technikons. Van die metodes wat die Regering kan gebruik om beter korporatiewe beheer e n finansiële bestuur te bewerkstellig is onder andere vinnige intervensie by die vind van wanadministrasie, ‘n duidelike definisie van die vertroue -verantwoordelikheidsposisie tussen hoëronderwysinstellings en die Regering, die toepassing van publieke -sektor finansiële wetgewing, sowel as korporatiewe beheerbeginsels wat spesifiek vir die publieke sektor geskryf is. Al hierdie stappe het ten doel om meer effektiewe finansiële beheer in hoëronderwysinstellings te vestig. Hierdie studie het bewys dat nie alle universiteite en technikons in die besonder goeie finansiële posisie is waarin die Randse Afrikaanse Universiteit hom bevind nie. Ten einde net beter finansiële beheermaatreëls te vestig by die Randse Afrikaanse Universiteit het hierdie proefskrif verder gegaan om in detail beheer daar te stel oor aankope. Die resultate van hierdie proefskrif sluit in die skryf van ‘n eenvormige aankopebeleid, prosedurehandleiding en standaard dokumente wat in die tender - en aankopeproses gebruik gaan word. Purchasing governance and control for the Rand Afrikaans University Die proefskrif sluit ook spesifieke reëls in ten opsigte van die toepassing van voorkeurverkrygingsbeginsels. Hierdie voorkeurbehandeling word toegespits op voorheen benadeeldes sowel as klein, medium, mikro en baie klein ondernemings. Die voorkeurbehandeling wat voorgestel word is in baie opsigte meer progressief as die reëls wat deur die Regering toegepas word en is ‘n refleksie van die wyer transformasie wat binne die Randse Afrikaanse Universiteit plaasgevind het. Voorkeurbehandeling word egter net toegespits op tansaksies wat na die tenderkomitee verwys word. Opsigself is hierdie voorkeurbehandelingsmeganismes nie genoegsaam om blywende aankopehervorming aan die Randse Afrikaanse Universiteit te weeg te bring nie. Die proefskrif maak dit duidelik dat daar normalisering moet kom in die besigheidsverhouding tussen die universiteit en verskaffers. Die metode wat voorgestel word om hierdie doelwit te bereik, is die daarstelling van ‘n omvattende goedgekeurde verskafferslys wat die demografie van die Suid-Afrikaans e samelewing weerspieël. Aangesien die beleid en prosedures wat in hierdie proefskrif voorgestel word tot ‘n groot mate afhanklik is van die mense wat die proses dryf, sluit deel A van die studie af met ‘n etiese kode vir aankopepersoneel. Deel B van die proefskrif sit die beleid, prosedures, reglemente en standaard dokumente uiteen wat ontwikkel is en wat inderdaad al ‘n geruime tyd in werking is by die Randse Afrikaanse Universiteit. / Dr. G. Els
| Identifer | oai:union.ndltd.org:netd.ac.za/oai:union.ndltd.org:uj/uj:6870 |
| Date | 06 May 2008 |
| Creators | Voogt, Thea Louisa |
| Source Sets | South African National ETD Portal |
| Detected Language | Unknown |
| Type | Thesis |
Page generated in 0.0022 seconds