PhD (African Studies) / Lomsebenti ucwaninga ngekusetjentiswa kwetinongo tenkhulumo etinkondlweni teSiswati. Lolucwaningo lubuka kutsi tinongo tenkhulumo tibaluleke ngani nekutsi kufanele kutsi ekukhulumeni kwetfu kwemihla nemihla sifake tinongo tenkhulumo. Tinongo tenkhulumo betikhona mandvulo imfundvo isengakafiki ebantfwini. Imfundvo ifika itfola kutsi emaSwati angemagagu ekukhulumeni futsi anelulwimi lolunotsile ngenca yetinongo tenkhulumo. SEHLUKO SEKUCALA: Setfula lucwaningo kutsi lumayelana nani nekutsi yini umcwaningi lafuna kuyilungisa leseyonakele. Kuniketwe tinhloso telucwaningo. Kubuye kwaniketwa umkhawulo welucwaningo nekubaluleka kwelucwaningo, kubuye kwavetwa umgudvu welucwaningo lokuluhlelolwati lwenhlelembiso neluhlelolwati lwemsebenti. Kubuye kwavetwa kuchazwa kwemagama, kubaluleka kwetinkondlo, tinongo tenkhulumo nebudlelwano bato naleminye imibhalo, umlandvo lomfisha ngetinkondlo kanye nesiphetfo. SEHLUKO SESIBILI: Sibuke kuhlolisisa imibhalo, kwabukwa libhayibheli, tincwadzi telucwaningo, nemajenali. Kubukwe netinhlobo tetinkondlo letisetjentiswa eSiswatini. SEHLUKO SESITSATFU: Sibuke tinhlobo tetinongo tenkhulumo tehlukaniswa ngalendlela: Tinongo tenkhulumo letifanisako nguleti letilandzelako: sifaniso, sifanisongco, simuntfutiso, silwanatiso kanye nakhulumango/umbiti. Tinongo tenkhulumo letihhlukanisako nguleti letilandzelako: silutfo, sicatsaniso, siphukuto kanye neluteku Tinongo tenkhulumo letigcamisa budlelwano nguleti letilandzelako: Sihabiso, simeli/simeleli, siphindzaciniso/imphindzaciniso, silandzakhashane/malandzakhashane nesihloniphiso. iv    SEHLUKO SESINE: Sibuke tinongo tenkhulumo ngaloluhlobo: Siphindzamagama, siphindzamisho, secamagama, sifanagwaca,sifanankhamisa nesentakutsi. SEHLUKO SESIHLANU: Sisongela ndzawonye lonkhe lucwaningo, sibuye siphawule ngaloko lokutfolakele elucwaningweni, tincomo sigcine ngesiphetfo.

MA (ISiswati) / Sikhungo i-MER Mathivha Setilwimi Temdzabu, Buciko Nemasiko Inyuvesi yaseVenda / Lolu lucwaningo lolutsintsa sakhiwo semidlalo yemoya yeSiswati lelandzelako: Ngifela Wena nalotsi, Hawu babe. Umgudvu wesisekelo selucwaningo ugcila esihlokweni, singeniso, kukhuphuka nekwehla kwemdlalo kuye kufinyelelwe esiphetfweni semdlalo. Tincenye letibalulekile temdlalo kuba kudlaleka, tetsameli, inkhundla nebadlali. Kuvetwa kwebalingisi kukhonjiswa kubuye kuhlelwe ngekwetinhlobo netindlela labavetwe ngato. Kulemidlalo kulindzeleke kutsi tetsameli tilingisele bunjalo nesimo semphilo lapho kuboniswana, kwabelwana ngelwati etimeni nasetindzaweni letehlukene. Kuchunyanwa ngemagama, tento, nekulingisa. Tigameko temdlalo tesekelwe yingcoco yeluchumano lecuketse lokutsintsa liphimbo: imisho, kuphindza nekulingisa lokuletsa inchazelo yemagama. Luhlatiyo lukhombisa lwati, buhle belukhetfomagama, libintanamisho, silulumagama nenkhulumobuciko yebalingisi. Kudlaleka nekufundzeka kwemidlalo kusisekelo sayo. Luhlatiyo lwebunjalombhalo lwesekelwe imfundziso-njulalwati nesenekamcabango. / NRF

PhD (IsiSwati) / MER Mathivha Centre for African Languages, Arts and Culture / Lolu lucwaningo lolujulile lwetinganekwane teSiswati letihleleke ngendlela lelandzelako: tinganeko, ematekelo, tinsumo naletinye. Sakhiwo nalokucuketfwe tinganekwane kubukwe ngekuchumana nebalingisi, umnyakato netetsameli. Tinhlobo tetinganekwane tikhonjiswe, tichazwe, ticondzaniswe, tahlelwa tabuye tahumusheka. Tinganekwane tinemibono, imicabango, tehlakalo, imigomo, tinhlelomcondvo netinkholelo letikhulisa sisekelolwati nekwateka kwemasiko. Tinganekwane tetfulwe ngelulwimi lwebuphrozi tabuye tatibandzakanya ekusebentiseni imigomo yetemibhalo yesimanje lefana nesakhiwo, sakhiwana sibekandzaba, balingisi netingcikitsi. Kuchazwa kwemoya, sikhatsi, imifanekisomcondvo, kuphukuta nesiphetfo kukhombisa tinchazelo nemilayeto. Tinhlelolwati yetemibhalo, yemisebenti neyeluhlolo tikhetselwe tindlela nekusetjentiswa kulolucwaningo. / NRF

Thesis (M.A. (African Languages)) --University of Limpopo, 2014 / Refer to the document

MA (SeSwati) / Sikhungo I-MER Mathivha Setilwimi Temdzabu, Buciko Nemasiko Inyuvesi Yasevenda / Lolu lucwaningo lolutsintsa tingcikitsi letehlukene etinkondlweni teSiswati. Tinkondlo tibukwe emagcogcweni lehlukene, kubosonkondlo labehlukene futsi titsintsa tikhatsi letehlukene. Lapha kutawubukwa tingcikitsi letilandzelako: lutsandvo, inkholo, umbusave, imvelo, imfundvo, buchwepheshe naletinye. Kubukwe kusebenta kwetinongo tenkhulumo, lukhetfomagama nekuhleleka kwetinkondlo kwangaphandle kutsi kwelekelela kanjani ekugcamiseni tingcikitsi etinkondlweni. Inshokutsi yenkondlo ivela kahle lapho ihambisana nengcikitsi yayo. Luhlelolwati lwetingcikitsi ngilo lelisisekelo nemkhombandlela walolucwaningo. / NRF

PhD (IsiSwati) / MER Mathivha Centre for African Languages, Arts and Culture / Lolu lucwaningo lolutsintsa taga elulwimini lweSiswati. Lucwaningo lwesekelwe luhlatiyombhalo (textual analysis) nelwetingcikitsi (themes) lolubuka lwati ngalokubanti lucuketse tingcikitsi, sisekelo semaciniso emisuka, kubaluleka, lwati lwendzabuko, kwehlukaniseka kwemasiko nekuhleleka kwetaga. Taga letitsintsa tilwane, titfo temtimba, kutfukutsela, budlelwano, inhlonipho, inkhutsalo, buphuya, inhlakanipho nemikhuba yenchubo yesintfu. Taga tibukwa ngekususelwa etinganekwaneni, etibongweni, etinanatelweni, emahubeni, etishweni nasetiphicaphicwaneni. Tinongo tenkhulumo letifana nesifanisongco, sifaniso nesihabiso tihlatiywa macondzana netaga. Lucwaningo lukhutsata kusebenta kwetaga emimangweni leyehlukene nasesiveni jikelele. / NRF